جہلم: پولیس خدمت مرکز جہلم کی اہم کارروائی، کار کی تصدیق کرنے پر چوری شدہ کار قبضہ میں لے کر ملزم کو گرفتار کر لیا گیا۔
تفصیلات کے مطابق قیصر عباس چوری شدہ کار ایکس ایل آئی کی تصدیق کروانے خدمت مرکز جہلم آیا، دوران جانچ پڑتال کار چوری کی ثابت ہونے پر ملزم اور کار کو تھانہ سٹی پولیس کے حوالے کر دیا گیا۔
پولیس حکام نے بتایا کہ کار ضلع جھنگ کے تھانہ کوتوالی میں سال 2016 کے چوری کے مقدمہ میں مطلوب تھی جو قانونی تقاضے پورے کرنے کے بعد جھنگ پولیس کے حوالے کی جائے گی۔
ڈی پی او جہلم ناصر محمود باجوہ کا کہنا تھا کہ شہریوں کے اثاثوں کی حفاظت اولین ترجیح ہے۔ ڈی پی او جہلم نے پولیس خدمت مرکز کے عملہ کو اچھی کارکردگی پر شاباش دی۔
