دینہ: سید رفعت زیدی نے کہا کہ میری جیت عوام کے علاقے کی جیت ہے، پسماندہ علاقے میں ترقیاتی کاموں کے جال بچھائیں گے۔ جس طرح عوام نے ہم سے محبت کی ہے اس کی مثال نہیں ملتی۔
حلقہ پی پی 24سے نومنتخب ا یم پی اے سیدرفعت زیدی نے رضوان سیٹھی سے گفتگو کرتے ہوئے کہا کہ میری کوشش ہو گی حلقہ پی پی 24 (تحصیل دینہ، سوہاوہ) کے لوگوں کے مسائل کو اچھے طریقے سے حل کریں۔ اپنے قائد عمران خان کا ویژن گھر گھر پہنچائیں گے، جس طرح حکومت بنی پوری قوم نے دیکھا ہے۔ عمران خان عوام کے دلوں کی دھڑکن ہے ان کو دلوں سے کوئی نہیں نکال سکتا۔
انہوں نے کہا کہ جس طرح عوام نے مجھے بھاری اکثریت سے کامیاب کروایا ہے میں ان کا جتنا بھی شکریہ ادا کروں وہ کم ہے۔ انشاء اللہ میں حلقے کے مسائل کو حل کیے بغیر چین سے نہیں بیٹھوں گا، اپنے حلقے کے مسائل ہر فورم پر لے کر جاؤں گا۔
سید رفعت زیدی نے مزید کہا کہ حلقہ پی پی 24تحصیل دینہ ، تحصیل سوہاوہ کے مسائل سے میں اچھی طرح واقف ہوں بہت جلد اپنے حلقے کے مسائل کو حل کرنے کے لیے بے تاب ہوں ۔
