اسلام آباد ہائیکورٹ نے سابق وفاقی وزیر اطلاعات فواد چوہدری کی 26 مقدمات میں ضمانت منظور کرلی۔
عدالت العالیہ نے پنجاب کے مختلف تھانوں میں درج مقدمات میں پیش ہونے کے لیے سینیئر سیاستدان کی راہداری ضمانت منظور کی۔
عدالت نے 21 روز کی ضمانت منظور کرتے ہوئے فواد چوہدری کو متعلقہ عدالتوں میں پیش ہونے کا حکم دیا ہے۔
واضح رہے کہ یکم اپریل کو اسلام آباد ہائیکورٹ کے 2 رکنی ڈویژن بینچ نے سابق وفاقی وزیر فواد چوہدری کی جہلم اراضی کیس میں ضمانت بعد از گرفتاری منظور کرتے ہوئے انہیں رہا کرنے کا حکم دیا تھا، تاہم دیگر مقدمات میں گرفتاری کی وجہ سے وہ رہا نہیں ہوسکے تھے۔
