پنڈدادنخان کے علاقہ اعظم پور میں نامعلوم افراد نے 26 سالہ نوجوان کو فائرنگ کر کے قتل دیا، ملزمان فرار ہو گئے، لاش کو پوسٹمارٹم کیلئے ہسپتال منتقل کر دیا گیا۔
تفصیلات کے مطابق پنڈدادنخان کے علاقہ اعظم پور میں 26 سالہ نوجوان اعجاز عرف جازی اپنے ڈیرے سے گھر واپس آ رہا تھا کہ گھات لگائے نامعلوم مسلح افراد نے فائرنگ کر کے نوجوان اعجاز کو قتل کر دیا۔
نامعلوم مسلح افراد موقع سے فرار ہونے میں کامیاب ہو گئے ۔ اطلاع ملتے ہی پولیس موقع پر پہنچ گئی اور شواہد اکٹھے کر کے لاش کو پوسٹمارٹم کیلئے ہسپتال منتقل کر دیا۔
پولیس نے نامعلوم افراد کی تلاش شروع کر دی۔ ماہ رمضان المبارک میں 26 سالہ جوان کے قتل پر علاقہ کی فضا سوگوار ہے۔
