جہلم: جی ٹی روڈ جادہ ، مجاہد آباد سروس روڈ پرتجاوزات کی بھرمار، منہ زور مافیا کا قبضہ، دکانداروں نے سروس روڈ پر شو روم اور دیگر کارروبار سے وابستہ سامان سجا کر سروس روڈ استعمال کرنے والوں کے لئے مشکلات میں اضافہ کر دیا۔
تفصیلات کے مطابق جہلم میں جی ٹی روڈ مجاہد آباد اوور ہیڈ برج سے ملحقہ سروس روڈ پر دونوں اطراف مختلف کارروبار سے وابستہ دکانداروں نے کارروباری سامان سروس روڈ پر رکھ کر سروس روڈ عام ٹریفک اور شہریوں کے لئے بند کر رکھی ہے۔
دوسری جانب بارشوں کے موسم میں رہی سہی کسر سروس روڈ سمیت جی ٹی روڈ پر کھڑے ہونے والے گندے پانی نے پوری کررکھی ہے ، جس کی وجہ سے جی ٹی روڈ جگہ جگہ سے ٹوٹ پھوٹ کا شکار ہو چکی ہے۔
نیشنل ہائی وے اتھارٹی، موٹر وے پولیس اور دیگر قانون نافذ کرنے والے ادارے خاموش تماشائی دیکھائی دیتے ہیں۔
شہریوں نے وزیراعظم پاکستان ، چیئرمین این ایچ اے سے نوٹس لینے اور سروس روڈ پر قائم ہونے والی تجاوزات کے خلاف بلا تفریق آپریشن کرنے کا مطالبہ کیاہے ۔
