سوہاوہ: ایس ایچ او ڈومیلی اور ٹیم کی کارروائی، چیک ڈس آنر کے مقدمہ میں مطلوب اشتہاری ملزم گرفتار کر لیا۔
تفصیلات کے مطابق ڈومیلی پولیس نے کارروائی کرتے ہوئے اشتہاری ملزم بدر فاروق کو گرفتار کر لیا، ملزم 2022 سے تھانہ ڈومیلی پولیس کو چیک ڈس آنر کے مقدمہ میں مطلوب تھا۔
پولیس نے بتایا کہ ملزم گرفتاری سے بچنے کے لیے روپوش ہو گیا تھا، ڈومیلی پولیس نے سائنٹیفک طریقہ کار کو بروئے کار لاتے ہوئے اشتہاری ملزم کو گرفتار کرلیا۔
ڈی پی او جہلم ناصر محمود باجوہ نے کہا کہ حکومت پنجاب کے ویژن اورانسپکٹر جنرل آف پولیس پنجاب کی ہدایات کی روشنی میں اشتہاری ملزمان کے خلاف کریک ڈاؤن جاری ہے۔
