سوہاوہ میں 17 سالہ لڑکی منی ڈیم میں نہاتے ہوئے ڈوب کر جاں بحق ہو گئی، لاش کو ڈیم سے نکال لیا گیا۔
تفصیلات کے مطابق یہ افسوسناک واقعہ جہلم کی تحصیل سوہاوہ کے علاقے ڈومیلی میں پیش آیا، جہاں چکوال کی رہائشی 17 سالہ لڑکی سمال ڈیم میں نہاتے ہوئے ڈوب کر جاں بحق ہو گئی۔
ریسکیو ذرائع کے مطابق لڑکی اپنی فیملی کے ہمراہ تفریح کے لیے ڈومیلی کے سمال ڈیم لالی آئی ہوئی تھی، جہاں نہاتے وقت پانی کی گہرائی میں جانے سے وہ ڈوب گئی۔
@jhelumupdates جہلم: سوہاوہ میں چکوال کی رہائشی 17 سالہ لڑکی ڈومیلی کے منی ڈیم میں نہاتے ہوئے ڈوب گئی #JhelumUpdates #Latestnews #fyp #breakingnews #foryoupagе #viralvideos ♬ original sound – Jhelum Updates
واقعے کی اطلاع ملتے ہی ریسکیو ون ون ٹو ٹو کی غوطہ خور ٹیم نے فوری کارروائی کرتے ہوئے لڑکی کی لاش کو سمال ڈیم سے نکال کر رورل ہیلتھ سنٹر ڈومیلی منتقل کر دیا۔
ریسکیو ذرائع کے مطابق ڈوبنے والی لڑکی کی شناخت نصرت بی بی دختر افتخار کے نام سے ہوئی ہے، جس کی عمر 17 سال تھی۔ وہ ضلع چکوال کے گاؤں بھون کی رہائشی تھی اور ڈومیلی ایک شادی کی تقریب میں شرکت کے لیے آئی ہوئی تھی۔ریسکیو ذرائع کا کہنا ہے کہ واقعہ حادثاتی طور پر پیش آیا۔
