سوہاوہ: آئی جی پنجاب ڈاکٹر عثمان انور کے ویژن کے مطابق اور ڈی پی او جہلم ناصر محمود باجوہ کی احکامات کی روشنی میں ایس پی انویسٹی گیشن محمد حسیب راجہ نے تھانہ سوہاوہ میں کھلی کچہری کا انعقاد کیا۔
کھلی کچہری میں ایس ڈی پی او سوہاوہ ،ایس ایچ اوتھانہ سوہاوہ محمد عمران،تفتیشی پولیس افسران، اور شہریوں کی کثیر تعداد نے شرکت کی۔
ایس پی انویسٹی گیشن محمد حسیب راجہ نے کھلی کچہری میں آنے والے شہریوں کی شکایات سن کر ان کے حل کے لیے متعلقہ افسران کو احکامات جاری کیے۔
انہوں نے شہریوں کی درخواستوں پر ڈی ایس پی سوہاوہ سرکل اور ایس ایچ او تھانہ سوہاوہ کو فوری طور پر مقدمات درج کرنے کا حکم دیا۔
ایس پی انویسٹی گیشن محمد حسیب راجہ نے کہا کہ مارک کردہ درخواستوں پر دئیے گئے ٹائم فریم میں قانونی کارروائی کرکے رپورٹ پیش کی جائے، تھانہ کی سطح پر پبلک سروس ڈیلیوری کو ہر صورت یقینی بنایا جائے گا۔
