سوہاوہ میں فوڈ اتھارٹی اور ضلعی انتظامیہ نے ایک من سے زائد ناقص اور کیمیکل ملا دودھ تلف کر کے دوکانداروںکو ہزاروں روپے جرمانے کر دیے۔
تفصیلات کے مطابق ملاوٹی دودھ سپلائی کرنے والوں کے خلاف پنجاب فوڈ اتھارٹی اور ضلعی انتظامیہ کی کارروائیاں جاری ہیں۔ سوہاوہ میں پنجاب فوڈ اتھارٹی اور ضلعی انتظامیہ نے سوہاوہ میں مشترکہ کارروائی کرتے ہوئے ایک من سے زائد ناقص اور کیمیکل ملا دودھ پکڑ کر تلف کردیا۔
ترجمان پنجاب فوڈ اتھارٹی کا کہنا ہے کہ دودھ چیکنگ کے دوران دوکانداروں کو 34ہزاد روپے کے جرمانے بھی عائد کئے گئے۔
ترجمان فوڈ اتھارٹی کا مزید کہنا ہے کہ وزیر اعلی پنجاب کی ہدایت پر ناقص دودھ فروخت کرنے والوں کے خلاف مہم جاری ہے۔ دودھ جیسی نعمت میں کسی قسم کی ملاوٹ برداشت نہیں کی جائے گی۔
