دینہ (سید کوکب عباس) دینہ شہر میں کار لفٹر نہ ہونے باعث ٹریفک جام رہنا معمول بن گیا، ایمبولینس پھنس جانے سے قیمتی جانیں ضائع ہونے کا خطرہ لاحق رہتا ہے۔
تفصیلات کے مطابق دینہ شہر میں کار لفٹر نہ ہونے کی وجہ سے منگلا روڈ پر ٹریفک جام رہنا معمول بن گیا۔ منٹوں کا سفر گھنٹوں میں طے کرنا پڑتا ہے۔ اکثر دیکھنے میں آیا ہے کہ ایمبولینس وغیرہ بھی اس رش میں بھنس جاتی ہیں جس کی وجہ سے قیمتی جانیں ضائع ہونے کا خطرہ بھی لاحق ہوتا ہے۔
ڈیوٹی پر موجود ٹریفک پولیس اہلکاروں کا کہنا تھا کہ لوگ گاڑیوں کی غلط پارکنگ کرکے کئی کئی گھنٹے بازار چلے جاتے ہیں جس کی وجہ سے ٹریفک جام ہو جاتی ہے۔
دینہ کی عوام کا ڈی پی او جہلم ناصر باجوہ اور ڈی ایس پی ٹریفک جہلم سے اپیل ہے کہ دینہ میں کار لفٹر دیا جائے۔
