شمال مغربی بیجنگ کی ایک لیب میں سائنسدان لی جیپنگ اور ان کی ٹیم نے بہت چھوٹے سائز کے آلو کی کاشت کی ہے، انہوں نے پودے سے سات چھوٹے آلو چنے، جن میں سے ایک بٹیر کے انڈے جتنا چھوٹا تھا۔
چینی دارالحکومت بیجنگ کے شمال مغرب میں واقع ایک تحقیقی ادارے میں مالیکیولر بائیولوجسٹ لی جیپنگ نے اپنی ٹیم کے ہمراہ گملوں میں کاشت کردہ 7 غیر معمولی طور پر چھوٹے آلوؤں کے گچھے کاٹے۔
رائٹرز کی رپورٹ کے مطابق آلو ایسے درجہ حرارت میں کاشت کیے گئے جس کے بارے میں اختتام صدی میں ہونے کی پیش گوئی کی گئی ہے۔
یہ چھوٹے آلو ایک خاص ماحول میں اگائے گئے ہیں جو صدی کے آخر تک متوقع گرم درجہ حرارت کی نقل کرتے ہیں۔ ان کا چھوٹا سائز مستقبل میں خوراک کی قلت کے بارے میں ایک انتباہی علامت ہے۔
رپورٹ کے مطابق ان چھوٹے آلوؤں کا وزن صرف 136 گرام ہے جو کہ چین میں اگائے جانے والے عام آلو سے بہت چھوٹا ہے۔ عام طور پر، چینی آلو اتنے ہی بڑے ہوتے ہیں جتنے دو بیس بال ایک ساتھ رکھے جائیں۔
آلو دنیا بھر کے لوگوں کو کھانا کھلانے کے لیے بہت اہم ہیں کیونکہ یہ ایک چھوٹے سے علاقے سے بہت زیادہ خوراک پیدا کرتے ہیں۔ چین آلو پیدا کرنے والا سب سے بڑا ملک ہے اور یہ یقینی بنانے میں کلیدی کردار ادا کرتا ہے کہ ہر ایک کے لیے کافی ہے اور دیگر اہم فصلوں کے مقابلے میں زیادہ پیداوار کی وجہ سے عالمی غذائی تحفظ کے لیے اہم ہیں۔
رپورٹ میں کہا گیا کہ آلو زیادہ درجہ حرارت میں آسانی سے خراب ہو جاتے ہیں۔ موسمیاتی تبدیلیوں کے باعث درجہ حرارت اس سطح تک بڑھ رہا ہے جو آلو کو نقصان پہنچا سکتا ہے، اور خشک سالی اور سیلاب جیسے شدید موسم عام ہوتے جا رہے ہیں۔
تاہم چین میں آلوؤں کی کاشت کو کاربن کے اخراج کے پیشِ نظر گرم آب و ہوا کا سامنا ہے جس کی وجہ سے خطرناک حد تک درجۂ حرارت میں اضافہ دیکھا جا رہا ہے جو کہ خشک سالی اور سیلاب کی وجہ بھی بن رہا ہے۔
لی کی ٹیم نے شمالی ہوبی اور منگولیا میں تجربات کیے ہی۔ یہ دونوں چین کے زیادہ اونچائی والے صوبے ہیں اور جہاں عام طور پر آلو کی فصل کاشت کی جاتی ہے۔ اس ٹیم نے وہاں موجودہ اوسط درجۂ حرارت تین ڈگری سینٹی گریڈ پر قائم ایک چیمبر میں تین مہینوں کے دوران فصل کاشت کی ہے۔
لی کی تحقیق جو کہ رواں ماہ جریدے کلائمیٹ اسمارٹ ایگریکلچر میں شائع ہوئی، میں بتایا گیا کہ زیادہ درجۂ حرارت نے فصل کی نشوونما میں 10 دن کی تیزی دیکھی گئی تاہم آلو کی پیداوار میں نصف سے زیادہ کمی ہوئی۔
