جہلم پولیس نے ہوائی فائرنگ کر کے عوام میں خوف و ہراس پھیلانے والے دو ملزمان کو گرفتار کر کے ان کے قبضے سے ناجائز اسلحہ برآمد کر لیا۔
تفصیلات کے مطابق جہلم میں ایس ایچ او تھانہ صدر کی قیادت میں پولیس ٹیم نے کارروائی کرتے ہوئے ہوائی فائرنگ کر کے عوام میں خوف و ہراس پھیلانے والے دو ملزمان جمیل علی اور وقار کو گرفتار کر لیا۔ کارروائی کے دوران ملزم وقار کے قبضے سے رائفل 44 بور بمعہ ایمونیشن جبکہ ملزم جمیل علی سے پسٹل 30 بور بمعہ ایمونیشن برآمد کی گئی۔
پولیس نے دونوں ملزمان کے خلاف تھانہ صدر میں مقدمہ درج کر لیا ہے اور مزید قانونی کارروائی جاری ہے۔
پولیس کا کہنا ہے کہ ہوائی فائرنگ جیسے غیر ذمہ دارانہ اور خطرناک اقدامات کسی صورت برداشت نہیں کیے جائیں گے، شہریوں کی جان و مال کے تحفظ کے لیے قانون کی عملداری ہر صورت یقینی بنائی جائے گی۔
