جہلم میں نعیم اختر بھٹی (نمائندہ پی ٹی وی نیوز) اور انجینئر وحید اختر بھٹی کی والدہ مرحومہ کے ایصالِ ثواب کے لیے خصوصی دعا کا اہتمام کیا گیا، جس میں بڑی تعداد میں عزیز و اقارب، دوست احباب اور سماجی و سیاسی شخصیات نے شرکت کی۔
محفل کا آغاز حافظ محمد معاز خان اور ذیشان ڈار کی تلاوتِ کلامِ پاک سے ہوا جبکہ نعت رسولِ مقبول ﷺ پیش کرنے کی سعادت محمد احمد اور عاصم رشید (کیو ٹی وی) نے حاصل کی۔
اس موقع پر مولانا محمد عمیر فاروقی نے ماں کی شان و فضیلت پر پراثر خطاب کرتے ہوئے کہا کہ ماں کی خدمت دنیا و آخرت دونوں میں کامیابی کی ضمانت ہے۔
تقریب میں خاندان کے افراد جن میں کریم اختر بھٹی، نصیر اختر بھٹی، عمران اختر بھٹی سمیت حاجی زاہد حسین بٹ (صدر جہلم چیمبر آف کامرس اینڈ انڈسٹری) اور دیگر سماجی و سیاسی شخصیات شامل تھیں۔ اس کے علاوہ محلہ داروں کے ساتھ ساتھ شہر اور بیرونِ شہر سے بھی بڑی تعداد میں لوگوں نے شرکت کی اور مرحومہ کے ایصالِ ثواب کے لیے دعا کی گئی۔
