پنڈدادنخان: پنجاب گروپ آف کالجز کی قابل فخر طالبہ اریبعہ ثاقب نے شاندار تعلیمی کارکردگی کا مظاہرہ کرتے ہوئے راولپنڈی بورڈ میں 1128 نمبر لے کر تیسری پوزیشن اپنے نام کر لی۔ اریبعہ ثاقب نے اس کامیابی سے اپنے والدین، اساتذہ اور ادارے کا نام روشن کیا۔
اس موقع پر چیئرمین تحصیل پریس کلب رجسٹرڈ پنڈدادنخان طاہر ارشاد نے تقریب سے خطاب کرتے ہوئے اریبعہ ثاقب کی محنت اور کامیابی کو زبردست خراجِ تحسین پیش کیا۔ انہوں نے کہا کہ یہ کامیابی نہ صرف ان کے خاندان بلکہ پورے علاقے کے لیے اعزاز ہے۔
تحصیل پریس کلب رجسٹرڈ کی جانب سے دل کی گہرائیوں سے مبارکباد اریبعہ ثاقب، ان کے والدین اور پنجاب گروپ آف کالجز کے ڈائریکٹر یاسین بلوچ کو پیش کی گئی، جن کی انتھک محنت اور رہنمائی سے یہ کامیابی ممکن ہوئی۔
تقریب میں سیکرٹری انفارمیشن تحصیل پریس کلب محمد وسیم وصی، طاہر ارشاد، سٹی ویلفیئر کونسل رجسٹرڈ پنڈدادنخان کے روحِ رواں حاجی اشفاق احمد، نواب عمران (صدر سالٹ رینج میڈیا کلب)، چوہدری سلیم باگڑی، علی حسن اعوان اور قاسم وکی نے خصوصی شرکت کی اور اریبعہ ثاقب کو اعزازات سے نوازا۔
کامیاب طالبہ اور ان کے والدین نے اپنی اس شاندار کامیابی کو اساتذہ کی رہنمائی اور والدین کی دعاؤں کا نتیجہ قرار دیا۔
