پنڈدادنخان: چوہدری فرخ الطاف نے کہا کہ تیمور نواز جٹ سے متعدد ملاقاتیں ہوئیں، کھوتھیاں والے چوہدریوں کی سیاست کھلی کتاب ہے، امیدوار برائے صوبائی اسمبلی بیرسٹر تیمور نواز سیاسی میدان میں انتہائی متحرک ہیں۔
سابق ایم این اے چوہدری فرخ الطاف نے سینئر صحافی صفر علی خان سے ٹیلی فونک گفتگو کرتے ہوئے کہا کہ اگرمسلم لیگ (ن) پی پی 26کی ٹکٹ چوہدری تیمور نواز جٹ کو دے گی تو میرا گروپ اور دھڑا بھرپور سپورٹ کرے گا۔
انہوں نے کہا کہ چوہدری مظفر اقبال مسلم لیگ (ن)کے پرانے اور نظریاتی ورکر ہیں، میاں برادران سے ان کی وفائیں کسی سے ڈھکی چھپی نہیں۔ تحصیل پنڈدادنخان کے سیاسی گھرانوں سے ہرحال میں میاں برادران کے ساتھ ڈٹ کر کھڑے رہنے والوں میں تیمور نواز جٹ کا خاندان سرفہرست ہے۔
چوہدری فرخ الطاف نے مزید کہا کہ اللہ تعالیٰ نے فضل وکرم کیا، حلقہ پی پی 26کے عوام نے اعتماد کا اظہار کیا تو تحصیل پنڈدادنخان اور حلقہ پی پی 26کے عوام کو تیمور نواز کے انتخاب پر پچھتاوا نہیں ہوگا۔
