سوہاوہ: دی فاسٹ سکول اینڈ کالج بڑاگواہ جہلم میں اساتذہ کو جدید تعلیمی تقاضوں سے ہم آہنگ کرنے کے لیے بلینڈڈ لرننگ کے موضوع پر خصوصی تعلیمی سیشن کا انعقاد کیا گیا، جس میں ادارے کے اساتذہ نے بھرپور شرکت کی۔
خصوصی سیشن کی صدارت معروف ماہرِ تعلیم سید مقصود نے کی۔ سیشن کے دوران اساتذہ کو جدید ٹیکنالوجی، تدریسی طریقۂ کار اور روایتی تعلیم کے امتزاج کے حوالے سے اہم معلومات فراہم کی گئیں، جبکہ جدید دور میں تعلیمی عمل کو مؤثر بنانے کے لیے ٹیکنالوجی کے استعمال کے مختلف پہلوؤں پر بھی روشنی ڈالی گئی۔
ماہرِ تعلیم سید مقصود نے ٹیکنالوجی، تعلیم اور دستیاب مواقع کے مختلف پہلوؤں پر گفتگو کرتے ہوئے کہا کہ موجودہ دور کے تعلیمی تقاضوں کو پورا کرنے کے لیے ٹیکنالوجی کا مؤثر استعمال وقت کی اہم ضرورت ہے۔ بلینڈڈ لرننگ کے ذریعے طلبہ کو روایتی تعلیم کے ساتھ جدید ڈیجیٹل ذرائع سے استفادہ کرنے کے بہتر مواقع فراہم کیے جا سکتے ہیں۔
سیشن کے دوران اساتذہ نے خصوصی دلچسپی کا اظہار کیا اور جدید تدریسی طریقۂ کار سے متعلق مختلف امور پر تبادلۂ خیال کیا۔ شرکاء نے تعلیمی عمل میں جدید ٹیکنالوجی کے مؤثر استعمال اور طلبہ کی تعلیمی ضروریات کے مطابق تدریسی حکمتِ عملی اختیار کرنے کی اہمیت پر بھی گفتگو کی۔
انتظامیہ کے مطابق اس طرح کے تربیتی اور معلوماتی سیشنز کا مقصد اساتذہ کی پیشہ ورانہ صلاحیتوں میں مزید بہتری لانا اور طلبہ کو معیاری، مؤثر اور جدید تعلیم کی فراہمی کو یقینی بنانا ہے۔
یہ خصوصی تعلیمی پروگرام عباسی سمارٹ ونگز پبلیکیشن کے زیرِ اہتمام منعقد کیا گیا۔
