پنڈدادنخان: ورکنگ کمیٹی للِہ جہلم روڈ کے وفد نے اسسٹنٹ کمشنر پنڈدادن خان نادیہ پروین سے ملاقات کی۔ وفد کی سربراہی کنوینر ورکنگ کمیٹی مفتی بشیر احمد کرم نے کی۔
ملاقات میں وفد نے اسسٹنٹ کمشنر پنڈدادن خان نادیہ پروین کو للِہ تا جہلم دو رویہ سڑک کی تعمیر میں تاخیر کے باعث لوگوں کی درپیش سفری مشکلات سے آگاہ کیا۔
وفد نے اسسٹنٹ کمشنر پنڈدادن خان سے مقامی انڈسٹری کے تعاون سے چوران تا پنڈدادن خان اور دھریالہ موڑ تا پنڈی سیدپور تک سڑک کی حالت زار کو سفر کے قابل بنانے کی ضرورت پر روز دیا۔
ورکنگ کمیٹی للِہ جہلم روڈ نے کہا کہ ڈیول کیرج وے کے فنڈز بحال کیے جائیں، سفری سہولیات کی فراہمی یقینی بنانے کیلئے مقامی انڈسٹری اپنا کردار ادا کرے۔
