برمنگھم: سلطان باہو سینٹر برمنگھم میں جماعت اہلسنت برطانیہ کے علماء ومشائخ کا مشاورتی اجلاس زیرسرپرستی استاد العلماء رسول بخش سعیدی امیر جماعت اہلسنت برطانیہ اور زیر صدارت پیر سلطان فیاض الحسن سروری قادری زیب سجادہ آستانہ عالیہ سلطان باہوؒ منعقد ہوا۔
اجلاس میں ساؤتھ پورٹ شہر میں پیش آئے واقعات سے کمیونٹی میں خوف و ہراس، فار رائٹس مسلم مخالف قوتوں کا لوگوں کو مسلمانوں کے خلاف اکسانا، پر تشدد احتجاج، گاڑیاں جلانا، مقامی مسجد پر حملہ جیسے معاملات پر غور ہوا۔ اجلاس میں مقامی مسلم کمیونٹی ، مسجد سے وابستگان اور قتل ہونے والی بچیوں کے خاندانوں کے ساتھ اظہار یکجہتی کیا گیا۔
علما اور مشائخ نے کہا کہ برطانیہ میں آباد تمام کمیونٹیز کو اصل حقائق سے آگاہ کرنا ہماری اولین ذمہ داری ہے، عصر حاضر میں سر اٹھانے والے سلگتے مسائل اور نت نئے فتنوں کا سد باب کرنا ضرور ی ہے۔
اجلاس میں جماعت اہلسنت بر طانیہ کے علامہ الشیخ غلام ربانی افغانی، پیر مصباح المالک لقمانوی، مفتی محمد نصیر اللہ نقشبندی، حافظ محمد سعید مکی، علامہ مفتی یار محمد قادری، پیر سلطان نیازالحسن سروری قادری، مولانا قاری محمد حنیف الحسنی، مفتی محبوب الرحمٰن قادری، ڈاکٹر انوار المالک لقمانوی، ڈاکٹر مشرف حسین الازہری، مولاناحافظ عبدالقیوم، علامہ شاہجہان مدنی، پیر محمد عمران ابدالی، مفتی فیض رسول نقشبندی، مولانا مطلوب الرحمٰن قادری، حافظ غلام رسول نقشبندی، پیرزادہ اسد المالک خان لقمانوی، حافظ محمد شفیق نقشبندی، مفتی ڈاکٹر منور عتیق نعیمی، علامہ سید ریاض حسین شاہ برائر فیلڈ نے شرکت کی۔
اجلاس میں مولانا سید عبد الشکور قادری، قاری محمد یونس نقشبندی، مولانا حاجی عبدالمجید نقشبندی، مولانا حافظ محمد جاوید نقشبندی، حافظ محمد قاسم صدیق چشتی، حافظ محمد بلال نو شاہی سہروردی، مولانا منظور احمد ربانی، قاری تنویر اقبال قادری، علامہ مظہر اقبال نقشبندی، صاحبزادہ حسن ظہیر صدیقی، علامہ اعجاز احمد نیروی، علامہ ریاض احمد صمدانی، مولانا قاری شبیر الحسن سعیدی، علامہ ڈاکٹر منیر ازہری، علامہ محمد عبداللہ سلطانی، علامہ محمد داؤد شامی، قاری صداقت حسین، مولانا منیر عاصم، مولانارضا، بریسٹر رشید مرزا، مولانا قاری ضیا اللہ ضیائی، شہزاد مغل، نائب حسین مغل کے علاوہ اہل فکر ونظر، وکلا، سیاسی اور سماجی شخصیات نے شرکت کی۔
آخر میں شہدا کیلئے دعائے مغفرت کی گئی۔
