دینہ میں رکشہ الٹنے سے خاتون سمیت تین افراد زخمی ہو گئے، زخمیوں کو ہسپتال منتقل کر دیا گیا۔
یہ افسوسناک حادثہ جہلم کی تحصیل دینہ میں ریحانہ جٹاں قلعہ روہتاس روڈ کے قریب پیش آیا، جہاں ایک تیز رفتار رکشہ حادثے کا شکار ہو گیا، جس کے نتیجے میں ایک خاتون سمیت تین افراد زخمی ہو گئے۔
حادثے کی اطلاع ملتے ہی ریسکیو 1122 کی ٹیم فوری طور پر موقع پر پہنچ گئی۔ ریسکیو ٹیم نے زخمیوں کو موقع پر ابتدائی طبی امداد فراہم کی اور بعد ازاں انہیں رورل ہیلتھ سنٹر دینہ منتقل کر دیا۔
@jhelumupdates دینہ میں روہتاس روڈ پر رکشہ الٹ گیا #JhelumUpdates #LatestNews #fyp #breakingnews #foryoupagе #viralvideos #jhelum #dina #newsupdate #tiktoknews #latestupdates ♬ original sound – Jhelum Updates
ریسکیو ذرائع کے مطابق حادثے میں زخمی ہونے والوں میں 60 سالہ مرزا غلام عباس ولد محمد منظور، 62 سالہ طلعت محمود ولد مشتاق اور 28 سالہ ارم شہزادی زوجہ جابر علی شامل ہیں۔
ابتدائی اطلاعات کے مطابق حادثہ ممکنہ طور پر تیز رفتاری کے باعث پیش آیا۔
