جہلم میں آئل اور گھی کی قیمت 590 روپے سے بڑھ کر 600 روپے فی کلوگرام تک پہنچ گئی ہے، جبکہ پریمیم گھی اور کوکنگ آئل کی قیمت میں مزید 10 روپے اضافہ کر دیا گیا ہے۔
اس کے ساتھ ہی چائے کی پتی کا ایک کلو گرام پیک ختم کر کے 800 گرام کا پیک 1760 روپے سے بڑھا کر 1900 روپے تک فروخت کیا جا رہا ہے۔
شہریوں کا کہنا ہے کہ اشیائے خورونوش کی تیز رفتار مہنگائی نے گھریلو بجٹ کو بری طرح متاثر کر دیا ہے۔ چاول کی قیمتیں بھی آسمان کو چھو رہی ہیں، جس کے باعث صارفین شدید پریشانی کا شکار ہیں اور روزمرہ ضروریات پوری کرنا مشکل ہوتا جا رہا ہے۔
مہنگائی کی یہ صورتحال کم آمدنی اور دیہاڑی دار طبقے کے لیے ایک بڑا چیلنج بن چکی ہے۔ شہریوں نے حکومت اور متعلقہ اداروں سے مطالبہ کیا ہے کہ قیمتوں پر فوری کنٹرول کیا جائے اور عوام کو ریلیف دینے کے لیے مؤثر اقدامات عمل میں لائے جائیں تاکہ ان کی معاشی مشکلات میں کمی آ سکے۔
