جہلم: جہلم چیمبر آف کامرس اینڈ انڈسٹری اور چائنہ ایورسٹ ایکسپو کمپنی کےمابین کاروبار کے فروغ کے لیے معاہدہ طے پا گیا۔
صدر جے سی سی آئی حاجی زاہد حسین بٹ اورفرم کے چائینز آفیشل کے درمیان ہونے والے ایم او یو کے تحت جہلم چیمبرآف کامرس اینڈ انڈسٹری کے ممبران کو دنیا بھر میں صنعتی نمائشوں میں شرکت کی دعوت اور سہولیات فراہم کی جائیں گی۔
جہلم چیمبرآف کامرس اینڈ انڈسٹری کی تاریخ میں پہلی مرتبہ کسی غیر ملکی کمپنی سے معاہدہ کرنے پر صدر جہلم چیمبرآف کامرس اینڈ انڈسٹری حاجی زاہد حسین بٹ کی اس کاوش کو جہلم کے کاروباری حلقوں نے سراہا ہے۔
معاہدے کے موقع پر سینئر نائب صدر جہلم چیمبرآف کامرس اینڈ انڈسٹری سیف ریاض، ایگزیکٹیو ممبر مخدوم حسین چوہدری، سابق ایگزیکٹیو ممبر حافظ مقصود شفیق، سابق ایگزیکٹیو ممبر زاہد عمران چوہان، حاجی اسماعیل اور ڈپٹی سیکرٹری جہلم چیمبرآف کامرس اینڈ انڈسٹری وقار احمد شیخ بھی موجود تھے۔
