جہلم: ڈسٹرکٹ ہیڈ کوارٹر اسپتال جہلم کی لیب کے واش روم میں مبینہ طور پر خفیہ کیمرے کی انسٹالیشن کا انکشاف، کیمرا لگانے کی کوشش کرنے والا نوجوان گرفتار کر لیا گیا۔
تفصیلات کے مطابق ڈسٹرکٹ ہیڈکوارٹر اسپتال جہلم کی لیبارٹری کے واش روم سے خفیہ کیمرے کے ذریعے ویڈیو بنانے کی کوشش کرنے والا ملزم کو گرفتار کر لیا گیا۔
اسپتال ذرائع کا کہنا ہے تحصیل دینہ کے علاقہ ڈھوک ڈھیری ملوٹ کا رہائشی، یو ڈی پرائیویٹ پیرامیڈیکل سٹاف کے طالب علم عبدالرحمٰن ولد محمد غفار نے لیب کے واش روم میں اپنے موبائل کیمرے کو خفیہ جگہ پر انسٹال کر دیا۔ لیبارٹری کے دیگر سٹاف کو شک گزرنے پر واش روم کی تلاشی لی گئی تو خفیہ جگہ پر نصب کیمرہ برآمد کر لیا گیا۔
عبدالرحمٰن نامی پیرا میڈیکل سٹوڈنٹس کو تھانہ سٹی پولیس کے حوالے کردیا گیا، پولیس ملزم عبدالرحمٰن کو تھانے منتقل کر کے تفتیش کا آغاز کردیا۔
