جہلم: میونسپل کمیٹی جہلم میں انتظامی تبدیلی، چیف آفیسر ضلع کونسل جہلم چوہدری عثمان گوندل کو میونسپل کمیٹی جہلم کا نیا چیف آفیسر تعینات کر دیا گیا۔ سابق چیف آفیسر چوہدری مبارک کو جہلم سے لاہور تبدیل کر دیا گیا ہے۔
چوہدری مبارک جو میونسپل کمیٹی جہلم میں بطور چیف آفیسر خدمات سرانجام دے رہے تھے ان کا تبادلہ لاہور کر دیا گیا ہے۔ ان کی جگہ چوہدری عثمان گوندل کو نیا چیف آفیسر مقرر کیا گیا ہے، جو اس سے قبل ضلع کونسل جہلم میں اسی حیثیت سے ذمہ داریاں نبھا رہے تھے۔
قابل ذکر امر یہ ہے کہ چوہدری عثمان گوندل ماضی میں دو مرتبہ میونسپل کمیٹی جہلم میں بطور چیف آفیسر خدمات انجام دے چکے ہیں اور ان کی انتظامی صلاحیتوں کو متعدد مواقع پر سراہا گیا ہے۔
میونسپل کمیٹی کے ذرائع کے مطابق چوہدری عثمان گوندل کی تعیناتی سے شہر میں بلدیاتی معاملات میں بہتری کی توقع کی جا رہی ہے۔
