سوہاوہ کے نواحی علاقہ میں نالہ گہان عبور کرتے ہوئے 12 سالہ لڑکی ڈوب کر جاں بحق ہو گئی۔
تفصیلات کے مطابق جہلم کی تحصیل سوہاوہ کے علاقے ڈومیلی میں ایک افسوسناک واقعہ پیش آیا، جہاں ڈھوک ڈیرا میں 12 سالہ انابیہ نالہ گہان کو عبور کرنے کے دوران ڈوب کر جاں بحق ہو گئی۔
عینی شاہدین اور لواحقین کے مطابق لڑکی اپنی والدہ کا ہاتھ پکڑ کر نالہ گہان عبور کر رہی تھی کہ پانی کے تیز بہاؤ کے باعث والدہ سے ہاتھ چھوٹ گیا اور لڑکی پانی کی تیز لہروں کی نذر ہو گئی۔
@jhelumupdates جہلم: سوہاوہ کے علاقے ڈومیلی میں 12 سالہ لڑکی نالہ گہان عبور کرتے ہوئے ۔ڈ۔و۔ب۔ گئی #JhelumUpdates #LatestNews #fyp #breakingnews #foryoupagе #viralvideos #tiktoknews #jhelum #sohawa #domeli #newsupdate #latestupdates ♬ original sound – Jhelum Updates
اطلاع ملتے ہی ریسکیو 1122 کی ٹیمیں موقع پر پہنچیں اور تلاش کے بعد 12 سالہ لڑکی کی لاش برآمد کر کے رورل ہیلتھ سنٹر ڈومیلی منتقل کر دی۔
ریسکیو ذرائع کے مطابق جاں بحق ہونے والی بچی کی شناخت انابیہ دختر عمران کے نام سے ہوئی ہے، جو اپنے والدین کے ہمراہ حافظ آباد سے اپنے رشتہ داروں کے گھر جا رہی تھی۔
علاقہ مکینوں کے مطابق نالہ گہان میں بارشوں کے باعث پانی کی سطح بلند اور بہاؤ تیز تھا، جس کی وجہ سے یہ حادثہ پیش آیا۔ واقعے کے بعد علاقے میں فضا سوگوار ہو گئی اور لواحقین غم سے نڈھال ہیں۔
