جہلم: حسن عدیل نے کہا کہ حلقہ این اے 60 جہلم ون سے مسلم لیگ (ن) کے امیدوار کو دھاندلی کر کے جتوایا گیا۔ وہ جہلم، دینہ اور سوہاوہ سے ہارا ہے، وہ تو اپنے علاقہ بدلوٹ، ملوٹ سے بھی ہارا ہے۔
حلقہ این اے 60 جہلم ون سے پی ٹی آئی کے حمایت یافتہ آزاد امیدوار حسن عدیل نے جہلم میں آر او دفتر کے سامنے احتجاج کے دوران کارکنوں سے خطاب کرتے ہوئے کہا کہ شیر وہ نہیں اصلی شیر میں ہوں، عمران خان کے ووٹر کے حق پر ڈاکہ ڈالا گیا ہے۔ ہم اپنا حق لے کر رہیں گے، ہماری قانونی جنگ جاری رہے گی۔
جہلم کے ببر شیر حسن عدیل کا گیدڑ بلال اظہر کیانی کو قانونی عمل میں گھسیٹنے کا اعلان : جہلمی عوام کے حق پر ڈاکا نامنظور #مینڈیٹ_پر_ڈاکا_نامنظور pic.twitter.com/k7eyCGaqbQ
— Nimra Baig 🇵🇰 (@_Nimra_Baig_) February 10, 2024
اس سے قبل حسن عدیل نے اپنے ویڈیو بیان میں الزام عائد کیا کہ ہمارے ساتھ ایک اور ظلم کیا جارہا ہے، کچھ پریزائیڈنگ آفیسر نے ہمیں کال کرکے اطلاع دی ہے کہ پریزائیڈنگ افسران کو دوبارہ آر او آفس بلوا کران سے دوبارہ جعلی 45فارم پر دستخط کروائے جارہے ہیں۔
آزاد امیدوار نے کہا کہ ہماری 50ہزارسے زائد لیڈ کو ختم کرکے دھاندلی کے ذریعے ہمیں ہرایا گیا، اس کو کور کرنے لیے جعلی ووٹیں بھی ڈالی جارہی ہے۔
Important message from Hassan Adeel of PTI NA60 Jhelum.
ROs being called to create a new form 45.
Asking everyone from Jhelum to gather. He actually won this seat at all polling stations except a few. pic.twitter.com/NmoPCI1qe7
— Hasan (@thehasanhabib) February 10, 2024
دوسری جانب حلقہ این اے 61 جہلم ون سے پی ٹی آئی کے حمایت یافتہ آزاد امیدوار شوکت اقبال مرزا نے اپنے ویڈیو بیان میں الزام عائد کیا کہ آر او آفس ڈگری کالج جہلم میں جعلی 45فارم تیار کیے جارہے ہیں۔
انہوں نے کہا کہ حلقہ این اے 61 سے 17ہزار سے زائد لیڈ سے جیتے ہیں، پریزائیڈنگ عملہ قرآن پر ہاتھ رکھ کر بتائے کہ وہ جعلی 45فارم تیار کرکے نہیں آئے۔
