سعودی عرب میں پہلے روزے کی تاریخ کا اعلان کردیا گیا

دنیا کے مسلمان مارچ 2024 میں ماہ مقدس کے استقبال کے لیے پُرجوش ہیں، سعودی عرب میں پہلے روزے کی ممکنہ تاریخ کا اعلان کردیا گیا۔

عرب میڈیا کے مطابق ماہرین فلکیات کا کہنا ہے کہ ان کے حساب سے سعودی عرب میں پہلاروزہ 11 مارچ کو ہوگا۔

ایمریٹس آسٹرونومی سوسائٹی کے بورڈ آف ڈائریکٹرز کے چیئرمین ابراہیم الجروان نے بتایا کہ سرما کا موسم 22 دسمبر سے شروع ہوکر 20 مارچ تک جاری رہے گا۔

اس لحاظ سے ماہ رمضان 26 سال کے بعد سرما کےموسم میں آرہا ہے۔ سال 2031 تک رمضان المبارک سرما میں اورپھر 8 سال تک یعنی 2039 تک موسم خزاں میں آیا کرے گا۔

واضح رہے کہ دنیا کے مختلف ممالک میں روزے کے اوقات بھی مختلف ہوتے ہیں، رواں سال روزے کا دورانیہ 12 گھنٹوں سے لیکر سے 17 گھنٹے سے زائد تک ہونے کا امکان ہے۔

سعودی عرب اور مصر میں ممکنہ طورپر روزے کے اوقات مقامات کے لحاظ سے 13 سے 15 گھنٹے تک ہوں گے۔

ماہرین کے مطابق سعودی عرب میں عید الفطر 10 یا 11 اپریل کو منائے جانے کا امکان ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button