ووٹرز نے رائے دی ہے کہ اگر انہوں نے اپنی پارٹی کو ووٹ نہ دیا تو پی ٹی آئی کو دیں گے۔
گیلپ پاکستان کے ایگزٹ پول میں دلچسپ انکشاف ہوا ہے، جس میں دیگر جماعتوں کے ووٹرز کی پہلی پسند تحریک انصاف نظر آئی۔
سروے میں ووٹرز کی اپنی جماعت کے علاوہ ووٹ دینے کے لیے ن لیگ، پیپلز پارٹی اور ایم کیو ایم پاکستان کے ووٹر کی پہلی پسند تحریک انصاف تھی۔
ایگزٹ پول کے نتائج کے مطابق ن لیگ میں 17 فیصد افراد اپنی جماعت کے علاوہ پی ٹی آئی کو ووٹ دینے کیلئے تیار ہیں۔
پیپلز پارٹی 16 فیصد کے ساتھ دوسرے نمبر پر رہی، پیپلز پارٹی کے ووٹرز میں 27 فیصد پی ٹی آئی، 16 فیصد ن لیگ، 1 فیصد کا جھکاؤایم کیو ایم پاکستان کی جانب ہے۔
ایم کیو ایم پاکستان میں اکثریت یعنی 48 فیصد اپنی جماعت کے علاوہ پی ٹی آئی کو ووٹ دینے کے لئے راضی نظر آئے۔(ن)لیگ کو 5 فیصد، پیپلز پارٹی کو ایم کیو ایم کے 4 فیصد ووٹر کی حمایت ملی۔
دوسری طرف تحریک انصاف کے ووٹرز میں تینوں جماعتوں کے لیے نرم گوشہ نہ صرف کم نظر آیا بلکہ حمایت میں مزید کمی آئی۔
2018 میں 19 فیصد جبکہ 2024 میں پی ٹی آئی کے 8 فیصد ووٹر ن لیگ کو ووٹ دینے کیلئے تیار نظر آئے۔
پیپلز پارٹی کو پی ٹی آئی کے 21 فیصد کے بجائے 8 فیصد ووٹ دینے کے لیے رضا مند تھے جبکہ ایم کیو ایم کو تحریک انصاف کے صرف 2 فیصد ووٹر کی حمایت ملی۔
