جہلم میں جنسی درندوں نے نویں جماعت کے طالب علم کو بدفعلی کا نشانہ بنا کر ویڈیو سوشل میڈیا پر وائرل کر دی، پولیس نے دونوں ملزمان کو گرفتار کر لیا۔
تفصیلات کے مطابق جہلم کے تھانہ کالا گجراں کے علاقہ میں دو نوجوانوں آریان اور واصف نے مشین محلہ نمبر 3 جہلم کے رہائشی 11 سالہ نویں جماعت کے طالب علم کو بدفعلی کا نشانہ بنا ڈالا۔ ملزم آریان اور واصف نے لڑکے کو ورغلا کر ایک زیر تعمیر مکان میں جنسی زیادتی کا نشانہ بنایا اور لڑکے کی ویڈیو بنا کر واٹس ایپ گروپوں اور سوشل میڈیا پر شیئر کر دی۔
پولیس کا کہنا ہے کہ ملزم آریان نے ایک سال قبل بھی فوجی مل گراؤنڈ کے قریب 11 سالہ لڑکے کو جنسی زیادتی کا نشانہ بنایا تھا۔ ابتدائی میڈیکل رپورٹ میں لڑکے سے بدفعلی کے شواہد ملے ہیں۔
تھانہ کالا گجراں پولیس نے دونوں ملزمان کو گرفتار کر لیا جبکہ ملزمان نے جرم کا اعتراف کر لیا ہے۔
پولیس کا یہ بھی کہنا ہے کہ دوران ریمانڈ ملزمان سے ویڈیو فلم برآمد کی جائے گی اور ملزمان کو ٹھوس شواہد کے ساتھ چالان عدالت کیا جائے گا۔
