جہلم: طبی مراکز کو زیادہ سے زیادہ مفید بنانے اور ضروری سہولیات فراہم کرنے کے لیے کوشاں ہیں، چھوٹے طبی مراکز سے کم وسائل والے شہریوں کو مفت طبی سہولیات پہنچانا پنجاب حکومت کا مشن ہے۔
ان خیالات کا اظہار ڈپٹی کمشنر جہلم میثم عباس نے شاندار چوک میں واقع ای اینڈ ڈی سینٹر میں دستیاب طبی سہولیات کا جائزہ لیتے ہوئے کیا۔ انہوں نے طبی مرکز کے ریکارڈ اور بلڈنگ کا جائزہ لیا۔ سینٹر میں نومولود بچوں کے لیے حفاظتی ٹیکوں، پولیو ویکسین، حاملہ عورتوں کے لئے ادوایات اور ٹیسٹوں بارے ڈپٹی کمشنر کو بریفنگ دی گئی۔
ڈپٹی کمشنر نے سنٹر میں علاج کی غرض سے آئے ہوئے مریضوں سے بھی ملاقات کی اور ان سے طبی سہولیات بارے تفصیلات حاصل کیں۔
