سوہاوہ میں تیز رفتاری کے باعث کار الٹ گئی، حادثے میں تین نوجوان زخمی ہو گئے، ایک نوجوان کی حالت نازک ہے۔
تفصیلات کے مطابق جہلم کی تحصیل سوہاوہ میں ڈھوک امب چکوال روڈ سوہاوہ کے قریب تیز رفتاری کے باعث کار الٹ گئی جس کے نتیجے میں تین نوجوان شدید زخمی ہو گئے۔
ریسکیو 1122 کے مطابق حادثے کی اطلاع ملتے ہی امدادی ٹیمیں موقع پر پہنچیں اور زخمیوں کو ابتدائی طبی امداد فراہم کرنے کے بعد ٹی ایچ کیو اسپتال سوہاوہ منتقل کر دیا۔
زخمیوں کی شناخت 16 سالہ عطا ولد تجمل حسین، 16 سالہ احسان ولد الفت حسین اور 18 سالہ حنان علی ولد صفدر علی کے ناموں سے ہوئی ہے۔ تینوں نوجوانوں کا تعلق گوجر خان سے بتایا گیا ہے۔
ریسکیو ذرائع کے مطابق ایک زخمی نوجوان کی حالت تشویشناک ہے اور اسپتال میں اس کا علاج جاری ہے۔
