جہلم: ضلع جہلم کی تحصیل پنڈدادنخان ، تحصیل دینہ، تحصیل سوہاوہ سمیت جہلم شہر اور گردو نواح میں میڈیکل سٹوروں پر جنسی ونشہ آور ادویات کی کھلے عام فروخت جاری ہے۔
نوجوان نسل نشے کی لت میں مبتلا ہوکر بے راہ روی کا شکار ہونے کے ساتھ تباہی کے دہانے پرخطرناک جان لیوا امراض میں مبتلا ہونے لگے۔
عوامی اور سماجی حلقوں اور شہریوں نےوزیراعلی پنجاب، چیف سیکرٹری اور پنجاب سیکرٹری صحت سے نوٹس لینے کا مطالبہ کرتے ہوئے کہا کہ ضلع جہلم کی تینوں تحصیلوں کے میڈیکل سٹورز ادویات فروخت کی بجائے بغیرڈاکٹری نسخے کے نشہ اوور سیرپ اور ٹیکے فروخت کیے جاتے ہیں۔
انہوں نے کہا کہ حالانکہ تینوں تحصیلوں میں تعینات ڈرگ انسپکٹرز کی ذمہ داریوں میں شامل ہے کہ بغیر ڈاکٹری نسخہ کے نشہ اوور ادویات فروخت کرنے والے میڈیکل سٹورز مالکان کے خلاف کارروائیاں کریں اور ہر میڈیکل سٹورز پر فارماسسٹ رکھنے کاپابند بنائیں تاکہ بغیر ڈاکٹری نسخہ اور نشہ اوور ادویات کی فروخت پر پابندی عائد ہوسکے۔
