جہلم پولیس نے جی ٹی روڈ پر ناکہ لگا کر جعلی وفاقی وزیر کو ساتھی سمیت گرفتار کر لیا، ملزم نے بغیر نمبر پلیٹ والی کالے شیشوں کی گاڑی پر جھنڈا بھی لگا رکھا تھا، پولیس نے مقدمہ درج کر کے ملزمان سے تفتیش شروع کردی ہے۔
تفصیلات کے مطابق جہلم پولیس نے جعلی وفاقی وزیر کو ساتھی سمیت گرفتار کر لیا، ملزم اشتیاق نے کالے شیشوں والی بغیر نمبر پلیٹ گاڑی پر جھنڈا لگا کر اپنے ساتھی لقمان کے ساتھ گجرات سے اسلام آباد سفر کر رہا تھا۔ گاڑی کی پچھلی سیٹ پر لائسنس یافتہ کلاشنکوف بھی موجود تھی۔
پولیس حکام کے مطابق ملزمان پولیس کے ناکوں پر وفاقی وزیر کا تعارف کروا رہے تھے۔ملزم اشتیاق اور اس کا ساتھی لقمان بھٹہ خشت کا کام کرتے ہیں۔ ملزمان کے خلاف مقدمہ درج لیا ہے اور مزید تفتیش کی جارہی ہے۔
