جہلم: صوبائی وزیر صنعت و تجارت چوہدری شافع حسین کی زیر صدارت اجلاس میں جہلم سمیت پنجاب کے مختلف اضلاع میں 13نئے ماڈل بازار بنانے کا فیصلہ کیا گیا ۔
جن اضلاع میں بازارموجودنہیں وہاں ماڈل بازاربنیں گے۔ کابینہ کی منظوری کے بعد نئے ماڈل بازار بنانے کا پراجیکٹ آگے بڑھایا جائے گا،13نئے ماڈل بازار بنانے پر 3ارب لاگت کا تخمینہ ہے۔
مظفر گڑھ ،منڈی بہاؤالدین، اوکاڑہ، نارووال، چنیوٹ میں نئےماڈل بازاربنیں گے۔ خانیوال، چونیاں، پتوکی، وزیرآباد، شرقپور، بھلوال، جہلم اور جڑانوالہ میں نئے ماڈل بازار بنیں گے۔
صوبائی وزیر صنعت و تجارت چوہدری شافع حسین نے کہا کہ ماڈل بازار عوام کو ریلیف کی فراہمی کا بڑا ذریعہ ہیں ،ماڈل بازاروں میں معیاری اشیاء ضروریہ رعایتی نرخوں پر مل رہی ہیں ،ہزاروں افراد کا روزگار بھی ان ماڈل بازاروں سے وابستہ ہے۔
انہوں نے کہا کہ نئے ماڈل بازار بننے سے مزید لوگ مستفید اور روزگار کے نئے مواقع پیدا ہوں گے،عوامی فلاح کے اس منصوبے کو تیزی سے مکمل کیا جائے گا ،مزید 13 ماڈل بازاروں کے قیام کیلئے جگہ کی نشاندہی کرلی گئی۔
