پاکستان ٹیلی کمیونی کیشن اتھارٹی (پی ٹی اے) نے اوورسیز پاکستانیوں کے لیے فری موبائل فون رجسٹریشن کا آغاز کیا ہے۔
پاکستان ٹیلی کمیونیکیشن اتھارٹی (پی ٹی اے) کے پاس بیرون ملک مقیم پاکستانیوں اور ملک آنے والے غیر ملکی شہریوں کی سہولت کے لیے عارضی موبائل رجسٹریشن سسٹم موجود ہے۔
اس اقدام کے تحت عارضی زائرین 120 دنوں تک اپنے ذاتی موبائل آلات کو رجسٹر کر سکتے ہیں، اور یہ سہولت ہر پاکستان کے دورے کے دوران حاصل کی جا سکتی ہے۔
یہ مفت رجسٹریشن کا عمل مکمل طور پر ڈیجیٹائزڈ ہے اور اسے سرکاری ڈیوائس رجسٹریشن سسٹم پورٹل کے ذریعے مکمل کیا جا سکتا ہے۔
پی ٹی اے ٹیکس دیے بغیر موبائل فونز رجسٹرڈ کرنے کا طریقہ
پی ٹی اے کی ویب سائٹ پر جائیں، سائن اپ کے آپشن پر کلک کریں، مقصد کا انتخاب کریں اور سائٹ کو اپنی ذاتی تفصیلات کے ساتھ پاس ورڈ درج کرکے پر کریں اور سب مٹ پر کلک کریں۔
آپ کو تصدیق کے لیے ای میل یا ایس ایم ایس موصول ہوگا۔ ایس ایم ایس/ میل پر لنک پر عمل کریں اور یہ آپ کا اکاؤنٹ ایکٹیویٹ کر دے گا۔
دوبارہ پورٹل پر جائیں اور اپنی اسناد کے ساتھ لاگ ان کریں۔ آپ کو ایک اعلانیہ فارم نظر آئے گا، اور شرائط و ضوابط سے اتفاق کرنے کے لیے آگے بڑھیں۔ ’اوورسیز پاکستانیوں/غیر ملکی شہریوں کے لیے عارضی رجسٹریشن‘ پر کلک کریں۔
اس مرحلے پر داخلے کی تاریخ اور روانگی کی تاریخ کے ساتھ اپنا شناختی کارڈ نمبر/پاسپورٹ نمبر درج کریں۔
