جہلم: تھانہ سٹی پولیس نے چوری کے مقدمہ میں اہم کامیابی حاصل کرتے ہوئے ایک خاتون ملزمہ کو گرفتار کر لیا ہے۔
پولیس ذرائع کے مطابق ایس ایچ او تھانہ سٹی اور ان کی ٹیم نے مؤثر کارروائی کرتے ہوئے مسرت بی بی نامی خاتون کو حراست میں لیا، جو چوری کے ایک مقدمہ میں مطلوب تھی۔ گرفتار خاتون کے قبضے سے ایک عدد سونے کی انگوٹھی برآمد کی گئی ہے، جس کی مالیت ایک لاکھ پچاس ہزار روپے بتائی گئی ہے۔
پولیس کا کہنا ہے کہ ملزمہ کے خلاف تھانہ سٹی میں مقدمہ درج کر لیا گیا ہے اور مزید تفتیش جاری ہے۔
ایس ایچ او تھانہ سٹی نے میڈیا سے گفتگو کرتے ہوئے کہا کہ جرائم پیشہ عناصر کے خلاف بلا امتیاز کارروائیاں جاری رہیں گی اور شہریوں کے جان و مال کے تحفظ کو یقینی بنانے کے لیے پولیس اپنی تمام تر توانائیاں بروئے کار لا رہی ہے۔
