پنڈدادنخان کے علاقہ کلس بیلہ کے قریب دوران ناکہ بندی سی سی ڈی ٹیم پر دو مسلح افراد کی فائرنگ، پولیس کانسٹیبل خوش قسمتی سے محفوظ، ساتھی کی فائرنگ سے ایک ملزم شدید زخمی جبکہ دوسرا ملزم فرار ہو گیا۔
ترجمان سی سی ڈی جہلم کے مطابق یہ واقعہ اس وقت پیش آیا جب جہلم کی تحصیل پنڈدادنخان میں سی سی ڈی ٹیم سب انسپکٹر راجہ عثمان تصدق کی سربراہی میں ناکہ بندی پر موجود تھی۔ مسلح ملزمان نے پولیس پارٹی کو دیکھتے ہی اندھا دھند فائرنگ شروع کر دی۔ خوش قسمتی سے ایک گولی کانسٹیبل اسد سکندر کے ہیلمٹ پر لگی، جس سے وہ محفوظ رہے۔
@jhelumupdates جہلم میں ایک اور مقابلہ #JhelumUpdates #LatestNews #fyp #jhelum #pinddadankhan #breakingnews #foryoupagе #viralvideos ♬ original sound – Jhelum Updates
ترجمان کا کہنا ہے کہ پولیس کی جوابی کارروائی اور مزاحمت پر ملزمان فرار ہونے لگے، تاہم ان کی فائرنگ سے ان کا ایک ساتھی زخمی ہو گیا جسے فوری طور پر تحصیل ہیڈکوارٹر اسپتال منتقل کیا گیا۔ زخمی ملزم کی شناخت محمد عامر ولد رضیاعامر سکنہ گولپور تحصیل پنڈدادنخان کے طور پر ہوئی ہے۔
ابتدائی تفتیش کے مطابق محمد عامر سابقہ ریکارڈ یافتہ ملزم ہے جو چوری، راہزنی اور دیگر سنگین جرائم میں متعدد بار گرفتار ہو چکا ہے۔ وہ 12 سے زائد موٹر سائیکل چوری کے مقدمات میں مطلوب تھا۔ چند روز قبل تھانہ دھریالہ جالپ کی حدود سے چوری شدہ موٹر سائیکل بھی اسی کے قبضے سے برآمد ہوئی تھی۔
ترجمان سی سی ڈی جہلم کا مزید کہنا ہے کہ واقعے کے بعد زخمی ملزم سے اسلحہ بھی برآمد کیا گیا ہے جبکہ اس کے ساتھی فرار ملزم کی شناخت محمد عثمان ولد نذر حسین سکنہ کھوتیاں تحصیل پنڈدادنخان کے نام سے ہوئی ہے، جو پولیس ریکارڈ کے مطابق خطرناک اور سابقہ جرائم پیشہ شخص ہے۔ فرار ملزم کی گرفتاری کے لیے سرچ آپریشن جاری ہے۔
