سوہاوہ: ڈومیلی سپر لیگ سیزن 2 کی ٹرافی کی رونمائی کی رنگارنگ تقریب کاانعقاد کیا گیا، تقریب میں علاقہ بھی سے آٹھ فرنچائزز نے نوجوان کھلاڑیوں کو چنا، تقریب میں مختلف سماجی شخصیات اورڈی سی سی کے عہدیداران نے بھی شرکت کی۔
تفصیلات کے مطابق جہلم کی تحصیل سوہاوہ میں ڈومیلی کے نجی ہال میں ڈومیلی سپر لیگ سیزن 2کی ٹرافی کی رونمائی کیلئے رنگارنگ تقریب کاانعقاد کیاگیاجس کاآغاز تلاوت قرآن پاک سے کیاگیا۔ اس تقریب میں مختلف سماجی شخصیات سمیت ڈی سی سی کے عہدیداران و ممبران نے شرکت کی۔
اس موقع پر احسان جنجوعہ نے بیسٹ بولر، بیٹسمین اور فیلڈر کیلئے دس ہزار روپے انعام کااعلان کیا۔ دینہ کی سماجی شخصیات ملک اسجد محموداعوان نے پہلاجبکہ صدربشارت ہڈالی نے ٹورنامنٹ کادوسرا انعام دینے کااعلان کیا۔ ڈی سی سی کے چیئرمین ندیم عزیز،وائس چیئرمین راشد انار کیانی، صدر راجہ عدنان کیانی بھی موجود تھے۔
ٹورنامنٹ 27، 28اور29ستمبر کو ڈومیلی کے علاقہ نگیال میں ہوگا۔ اس ٹورنامنٹ میں آٹھ فرنچائزز نے حصہ لیااور ہرٹیم نے علاقہ ڈومیلی کے تمام دیہاتوں کے نوجوانوں میں سےپندرہ پندرہ کھلاڑیوں چنا۔
اس موقع پر ڈی سی سی کے عہدیداران کا کہناتھاکہ اس طرح کی کرکٹ لیگ سے نئے نوجوان کھلاڑیوں کو موقع ملے گا۔ وہ بھی اپنے کھیل کا مظاہرہ کرسکیں گے، ہمارا ایک ہی مقصد ہے کہ گراؤنڈ آباد ہوں اور ہسپتال ویران ہوں۔
