جہلم پولیس نے ضلع بھر میں دہشت گردوں اور جرائم پیشہ عناصر کی سرکوبی کے لیے سپیشل سرچ آپریشنز اور ناکہ بندی کی۔
ترجمان پولیس کے مطابق ضلع کے مختلف مقامات پر 16 سرچ آپریشنز کے دوران 419 افراد کی چیکنگ کی گئی۔
یہ اقدامات اہم تنصیبات کی سیکیورٹی کو فول پروف بنانے اور سماج دشمن عناصر کو گرفتار کرنے کے لیے کیے گئے۔ دوران آپریشن شہریوں کی ویری فکیشن پولیس ایپلیکیشن کے ذریعے کی گئی جبکہ شہر کے داخلی و خارجی راستوں پر خصوصی ناکہ بندی کر کے گاڑیوں اور افراد کی سخت چیکنگ کی گئی۔
ڈسٹرکٹ پولیس آفیسر جہلم طارق عزیز سندھو نے بتایا کہ ان آپریشنز کا مقصد ناجائز اسلحہ اور منشیات کی برآمدگی، مجرمان اشتہاریوں اور جرائم پیشہ عناصر کی گرفتاری اور کسی بھی شرپسند کو مذموم عزائم پر عمل پیرا ہونے سے روکنا ہے۔ پولیس نے یقین دہانی کرائی کہ امن و امان قائم رکھنے کے لیے ایسی کارروائیاں آئندہ بھی جاری رہیں گی۔
