جہلم: یوٹیلیٹی اسٹورز پر آٹا، چینی، چاول اوپن مارکیٹ سے مہنگا فروخت ہونے لگا۔
تفصیلات کے مطابق یوٹیلیٹی اسٹورز پر 20 کلو آٹے کا تھیلا اوپن مارکیٹ سے 860 روپے مہنگا یعنی 2840 روپے میں فروخت کیا جا رہا ہے۔
دستاویز کے مطابق اوپن مارکیٹ میں 20 کلو آٹے کا تھیلا 1980 روپے میں دستیاب ہے۔ اسی طرح چینی یوٹیلیٹی اسٹورز پر اوپن مارکیٹ کی نسبت 11 روپے سے زائد مہنگی ہے۔
یوٹیلیٹی اسٹورز پر چینی 155 روپے کلو اور اوپن مارکیٹ میں 144 روپے کلو میں دستیاب ہے۔ اسی طرح سیلا چاول یوٹیلیٹی اسٹورز پر اوپن مارکیٹ کے مقابلے میں 31 روپے مہنگے ہیں۔
اوپن مارکیٹ میں چاول 314 روپے میں دستیاب ہیں جبکہ یوٹیلیٹی اسٹورز پر 345 روپے میں فروخت کیے جا رہے ہیں۔
