جہلم: قانونی تقاضے پورے کرنے والی فلاحی اور سماجی تنظیموں کو بھرپور سہولت فراہم کریں گے تاکہ وہ فلاحی سرگرمیوں کو بہترین طریقے سے سرانجام دے سکیں۔
یہ بات ڈپٹی کمشنر جہلم سیدہ رملہ علی نے این جی اوز رجسٹریشن کے حوالے سے منعقدہ اجلاس سے گفتگو کرتے ہوئے کہی۔
اجلاس میں 10 مختلف فلاحی اداروں جکر میڈیکل ٹرسٹ، رحمت فاونڈیشن، عاصمہ ایجوکیشن ٹرسٹ، ممتا ویلفیئر ایسوسی ایشن،نور ویلفیئر ٹرسٹ، اپنا گھر سمیت دیگر سماجی تنظیموں کی رجسٹریشن اور ری نیو کرنے کے کیس پیش کئے گئے جن میں سے قانونی تقاضے پورے کرنے والی تنظیموں کے کیسوں کی منظوری دی گئی جبکہ بقیہ کو ضروری دستاویزات فراہم کرنے کی ہدایت کی گئی۔
