دینہ میں نامعلوم موٹرسائیکل سواروں نے 36 سالہ محنت کش کو فائرنگ کر کے قتل کر دیا

دینہ: جی ٹی روڈ پر قتل کی لرزہ خیز واردات، نامعلوم مسلح موٹرسائیکل سواروں نے اندھا دھند فائرنگ کر کے 36سالہ محنت کش ریڑھی فروش کو قتل کر دیا، مسلح موٹرسائیکل سوار موقع سے فرار ہونے میں کامیاب ہوگئے، ڈیڈ باڈی کو ہسپتال منتقل کیا۔

تفصیلات کے مطابق دینہ میں دن دیہاڑے نامعلوم مسلح موٹرسائیکل سواروں نے جی ٹی روڈ دینہ چونگی نمبر 5 قائداعظم ٹاؤن کے قریب اندھا دھند فائرنگ کر کے غریب محنت کش 36سالہ نصیب اللہ ولد فرید اللہ سکنہ پار ہوتی پورول آباد مردان حال مقیم میاں کالونی دینہ ریڑھی فروش کو قتل کر دیا اور موقع سے فرار ہونے میں کامیاب ہو گئے۔

واقعہ کی اطلاع ملتے ہی پولیس سٹی چوکی دینہ کی بھاری نفری موقع پر پہنچ گئی جبکہ ریسکیو 1122نے جاں بحق ہونے والے شخص کی ڈیڈ باڈی کو ڈسٹرکٹ ہیڈ کواٹر ہسپتال جہلم پہنچایا، پولیس سٹی چوکی دینہ نے رپورٹ درج کر کے ملزمان کی تلاش شروع کر دی۔

بتایا جاتا ہے کہ قتل ہونے والا شخص نصیب اللہ ریڑھی لگا کر اپنا روزگار کماتا تھا ، واردات کے بعد علاقہ میں خوف و ہراس پھیل گیا ۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button