جہلم: ضلع جہلم کے سب سے بڑے سرکاری اسپتال میں سکیورٹی کے فرائض سر انجام دینے والے سکیورٹی گارڈز اور سینٹری ورکرز مہیا کرنے والی نجی کمپنیوں کی جانب سے بروقت سینٹری ورکرز اور سکیورٹی گارڈ ز کو تنخواہیں نہیں دی جارہی جس کے باعث سینٹری ور کرز اور سیکورٹی گارڈ ز کو مالی مشکلات کا سامناکرنا پڑرہا ہے۔
اس کے نتیجے میں سکیورٹی کمپنی کے اہلکار ذہنی دباؤ کا شکار دکھائی دیتے ہیں جس کی وجہ سے مریضوں اور ان کے لواحقین کے ساتھ سیکورٹی گارڈزکےلڑائی جھگڑے روزانہ کا معمول بن چکے ہیں جبکہ صفائی کرنے والا عملہ بھی اسی ڈگر پر چل رہا ہے۔
ڈسٹرکٹ ہیڈ کوارٹر ہسپتال میں ایک درجن سے زائد سکیورٹی گارڈز جن میں خواتین اور مرد صبح سے شام اور رات سے صبح تک چوکنا ہوکرڈیوٹیاں دیتے دکھائی دیتے ہیں۔
شہریوں نے ارباب اختیار سے نوٹس لینے اور ٹھیکیدار کوماہوار تنخواہیں ادا کرنے کامطالبہ کیا ہے۔
