جہلم: کبوتر بازی پر جوا، جہلم شہر سمیت گردونواح میں "دڑا” کی بازیاں لگائی جانے لگیں۔
جہلم شہر اور چاروں تحصیلوں کے تھانوں کے علاقوں سمیت درجنوں مقامات پر کبوتر باز "دڑا” اڑانے میں مصروف ہیں۔ کبوتر باز مئی، جون اور جولائی میں اڑان کے لئے تاریخیں مقرر کر دیتے ہیں جہاں اڑان میں جیتنے والے کبوتر بازوں کو گاڑیاں، موٹر سائیکلیں، نقدی، ٹرافی سمیت لاکھوں کے انعامات کا لالچ دے کر بھاری انٹری فیس وصول کی جاتی ہے۔
اس پر جواری لاکھوں روپے کا جوا لگاتے ہیں جس سے نہ صرف سادہ لوح غریب افراد نقدی سے محروم ہوجاتے ہیں بلکہ معصوم پرندوں کو بھی نشہ آور کیپسول، گولیاں و دیگر اشیا ء دے کر ظلم کا نشانہ بنایا جا تا ہے۔
شہری تنظیموں کے عمائدین نے ڈی پی او جہلم سے نوٹس لینے کا مطالبہ کرتے ہوئے کہا ہے جوئے جیسے مکروہ دھندہ میں ملوث افرادکے خلاف قانونی کارروائیاں کی جائیںتاکہ آنے والی نسلوں کو اس مکروہ دھندے سے بچایا جاسکے۔
