پنڈدادنخان میں پولیس کی اہم کارروائی، 7 سالہ بچے کے ساتھ جنسی زیادتی کی کوشش کرنے والے ملزم کو گرفتار کر لیا۔
جہلم کی تحصیل پنڈدادنخان کے تھانہ للِہ کو ایک درخواست موصول ہوئی جس میں بتایا گیا کہ 8 سالہ بچے کے ساتھ بدفعلی کی کوشش کی گئی جس پر ایس ایچ او تھانہ للِہ اور ٹیم نے فوری کارروائی کرتے ہوئے مقدمہ درج کر لیا اور ملزم کو گرفتار کر لیا۔
پولیس کا کہنا ہے کہ مقدمہ کی تفتیش میرٹ پر جاری ہے اور ٹھوس شواہد کے ساتھ چالان عدالت میں پیش کیا جائے گا تاکہ ملزم کو قانون کے مطابق سزا دلوائی جا سکے۔
اس حوالے سے ڈی پی او جہلم شفیق احمد چوہدری کا کہنا ہے کہ جنسی زیادتی جیسے گھناؤنے جرائم معاشرے کے لیے ناقابل برداشت ہیں۔ ایسے عناصر کے خلاف زیرو ٹالرنس پالیسی کے تحت سخت قانونی کارروائی کی جائے گی اور انہیں قانون کے مطابق کڑی سزا دلوائی جائے گی۔
انہوں نے کہا کہ بچوں اور شہریوں کے تحفظ کو یقینی بنانا پولیس کی اولین ذمہ داری ہے اور متاثرہ خاندان کو ہر صورت انصاف فراہم کیا جائے گا۔
