سوہاوہ: تھانہ ڈومیلی پولیس نے منشیات فروش کے خلاف ایک بڑی کارروائی کرتے ہوئے ملزم اویس خان کو گرفتار کر لیا۔
جہلم کی تحصیل سوہاوہ میں ایس ایچ او تھانہ ڈومیلی اور ان کی ٹیم نے ملزم کے خلاف کارروائی کی اور اس کے قبضے سے 160 گرام چرس برآمد کی۔
ملزم کے خلاف انسداد منشیات ایکٹ کے تحت مقدمہ درج کر لیا گیا ہے اور پولیس مزید تحقیقات کر رہی ہے۔ تھانہ ڈومیلی پولیس کی یہ کارروائی علاقے میں منشیات کی روک تھام کے حوالے سے اہم قدم ثابت ہوئی ہے۔
پولیس حکام نے کہا کہ وہ منشیات کے خلاف اپنی کارروائیاں جاری رکھیں گے اور اس جرم میں ملوث افراد کو قانون کے کٹہرے میں لایا جائے گا۔
