سوہاوہ: بھوگی چک میں سیاسی و سماجی شخصیت ملک زعفران اور ملک عمران کی جانب سے ایک پروقار افطار و ڈنر پارٹی کا اہتمام کیا گیا جس میں علاقہ بھر کی ممتاز سیاسی و سماجی شخصیات اور عوام کی بڑی تعداد نے شرکت کی۔
تقریب میں ممبر قومی اسمبلی چوہدری فرخ الطاف نے بطور مہمانِ خصوصی شرکت کی۔ اس موقع پر ڈاکٹر فضل الحق فضلی، ملک الطاف، چوہدری توقیر، چوہدری زاہد چھنی، چوہدری مقبول جوئیہ، چوہدری ابرار نجیب گجر اور محمد احمد سمیت دیگر اہم شخصیات بھی موجود تھیں۔
تقریب میں معززین علاقہ کے علاوہ عوام کی بڑی تعداد نے شرکت کی اور اجتماعی افطار میں شریک ہوئے۔ شرکاء نے میزبان ملک زعفران اور ملک عمران کا شکریہ ادا کرتے ہوئے اس تقریب کو بھائی چارے اور یکجہتی کی خوبصورت مثال قرار دیا۔
تقریب کے اختتام پر ملک و قوم کی سلامتی، ترقی اور خوشحالی کے لیے خصوصی دعا بھی کی گئی۔
