جہلم میں پولیس لائٹس لگا کر سرکاری گاڑی ظاہر کرنے والا ملزم پکڑا گیا۔
تفصیلات کے مطابق جہلم میں ایس ایچ او تھانہ کالا گجراں اور ان کی ٹیم نے ایک اہم کارروائی کے دوران گاڑی پر پولیس لائٹس لگا کر سرکاری گاڑی ظاہر کرنے والے ملزم عادل صغیر کو گرفتار کر لیا۔
ملزم نے اپنی گاڑی پر غیر قانونی طور پر پولیس لائٹس نصب کر رکھی تھیں، جس سے وہ عام شہریوں کو دھوکہ دینے اور قانون کی خلاف ورزی کا مرتکب ہو رہا تھا۔
تھانہ کالا گجراں پولیس نے بروقت کارروائی کرتے ہوئے ملزم کو گرفتار کر کے اس کی گاڑی اور پولیس لائٹس قبضے میں لے لیں۔ ملزم کے خلاف قانونی کارروائی کرتے ہوئے مقدمہ درج کر لیا گیا ہے۔
پولیس حکام کا کہنا ہے کہ قانون کی خلاف ورزی اور سرکاری اختیارات کے ناجائز استعمال کا تاثر دینے والوں کے خلاف سخت کارروائی جاری رہے گی تاکہ شہریوں کو کسی بھی قسم کے دھوکے سے بچایا جا سکے۔
