آئل اینڈ گیس ریگولیٹری اتھارٹی (اوگرا) نے اکتوبر کیلئے ایل پی جی مہنگی کردی ہے جس کا نوٹیفکیشن بھی جاری کر دیا گیا ہے۔
اوگرا کی جانب سے مائع پٹرولیم گیس (ایل پی جی) کی فی کلو قیمت میں مزید 7 روپے 31 پیسے کا اضافہ کیا گیا ہے۔
ایل پی جی کی نئی قیمت 251 روپے 30 پیسے فی کلو مقرر کی گئی ہے جبکہ گھریلو سیلنڈر کی نئی قیمت 2965 روپے ہوگی۔
نوٹیفکیشن کے مطابق 11 اعشاریہ 8 کلو گرام کا گھریلو سلینڈر 86 روپے 28 پیسے مہنگا کر دیا گیا ہے۔
یاد رہے کہ ستمبر میں گھریلو سلینڈر کی قمیت 2879 روپے مقرر کی گئی تھی۔
