سوہاوہ/ گوجرخان: مسلم ہینڈز ایریا آفس گوجر خان نے کامیابی سے دو واٹر فلٹریشن پلانٹس میونسپل کمیٹی گوجر خان کے حوالے کر دیے۔
اس سلسلہ میں اسسٹنٹ کمشنر گوجر خان میاں مراد حسن کی موجودگی میں فریقین کے درمیان معاہدے پر دستخط ہوئے۔ مسلم ہینڈز کے ایریا منیجر گوجر خان کامران مرزا اور چیف آفیسر ایم سی اظہر مجید نے معاہدے پر دستخط کیے۔
اسسٹنٹ کمشنر گوجر خان میاں مراز حسن نے مسلم ہینڈز کے کام کو سراہا اور مسلم ہینڈز کے ساتھ تعاون اور کام کرنے کی بات بھی کی۔
آخر میں خطاب کرتے ہوئے ایریا منیجر کامران مرزا نے مسلم ہینڈز کے حوالے سے اپنے علاقے میں مزید کام کرنے کی یقین دہانی کرائی۔
اسسٹنٹ کمشنر گوجر خان اور چیف آفیسر نے مسلم ہینڈز کا فلاحی کاموں کی تکمیل پر شکریہ ادا کیا۔
