جہلم شہر اور گردو نواح میں کیمیکل ملے مضر صحت دودھ کی فروخت نے شہریوں کی زندگیاں اجیرن بنا رکھی ہیں۔
جگہ جگہ کیمیکل ملا ناقص مضر صحت دودھ فروخت کرنے والے دھڑلے سے اپنے مکروہ دھندے کو تقویت دے رہے ہیں، جسے سادہ لوح عوام خرید نے پر مجبور ہیں، کیمیکل ملا دودھ استعمال کرنے سے خواتین، بچے، بوڑھے مختلف بیماریوں میں مبتلا ہو رہے ہیں۔
متعدد مرتبہ میڈیا کی نشاندہی کے باوجود پنجاب فوڈاتھارٹی اور متعلقہ ادارے خاموش تماشائی کا کردار ادا کر رہے ہیں۔
سماجی و فلاحی تنظیموں اور عوامی حلقوں نے اعلیٰ حکام سے نوٹس لینے کا مطالبہ کیا ہے۔
